കാന്സര് എന്ന പേടിസ്വപ്നം .....
മനുഷ്യജീവിതങ്ങളെ ഏറ്റവുമധികം കീഴടക്കുന്ന മഹാമാരിയായി കാന്സര് ഇന്നു ലോകത്ത് മാറിയിരിക്കുന്നു .കാന്സര് രോഗത്തിന് ഫലപ്രദമായ ചികിത്സ കണ്ടെത്തിയിട്ടുള്ള ഇന്നത്തെ കാലഘട്ടത്തിലും അതിന്റെ വ്യാപനവും സമൂഹത്തിന്റെ കാഴ്ച്ചപ്പാടുകളിലും മാറ്റം വരുത്താന് നമുക്ക് കഴിഞ്ഞിട്ടില്ല ഇന്നു പറയേണ്ടി വരും
കാന്സര് എന്തുകൊണ്ട് ?
കാന്സര് രോഗത്തിന്റെ കാരണങ്ങളെ കുറിച്ചുള്ള അന്വേഷണങ്ങള്ക്ക് വ്യക്തമായ ഉത്തരങ്ങള് നല്കാന് ശാസ്ത്ര ലോകത്തിന് കഴിഞ്ഞിട്ടില്ല ഇന്നു വേണം കരുതാന് .... എങ്കിലും ലോകത്തെ പ്രശസ്തരായ ഡോക്ടര്മാരുടെ അഭിപ്രായത്തില് ആധുനിക ലോകത്തെ ജീവിത സുഖങ്ങള്ക്ക് വേണ്ടിയുള്ള പരക്കം പാച്ചിലിനും അമിതമായ ചൂഷണത്തിന്റെയും പരിണിത ഫലമായി മലിനമാക്കപ്പെടുന്ന ഭൂമിയില് എല്പ്പിക്കപ്പെടുന്ന ആഘാതങ്ങലാണ് കാന്സര് രോഗം വ്യാപിക്കുന്നതിനു കാരണം ...
" ഭക്ഷണം കഴിക്കാതെ ... ശ്വസിക്കാതെ ... സൂര്യപ്രകാശമേല്ക്കാതെ ഒരു ഇരുട്ടു മുറിയില് അടച്ചിരിക്കുന്ന ഒരാള്ക്കേ കാന്സര് ബാധിക്കാതിരിക്കാന് സാധ്യതയുള്ളൂ ...."
ഇതു കേരളത്തിലെ പ്രശസ്തനായ ഒരു കാന്സര് വിദഗ്ദ്ധന്റെ വാക്കുകളാണ് .... ഒരു കാന്സര് രോഗി എന്ന നിലയില് എന്റെ അനുഭവങ്ങളും ഇതു ശരി വയ്ക്കുന്നു ...
ജീവിതത്തില് ഒരിക്കല് പോലും മദ്യപിക്കാത്ത , പുകവലിക്കാത്ത , ജൈവ കൃഷി നടത്തി പരമാവധി വിഭവങ്ങള് വീട്ടില് ഉത്പാദിപ്പിച്ചു ഉപയോഗിച്ചിരുന്ന , അധികം മരുന്നുകള് ഉപയോഗിക്കാത്ത ഒരാളായിരുന്നു ഞാന് ....പക്ഷേ എന്നെയും കാന്സര് ബാധിച്ചു .... അതും തൊണ്ടയില് .... കാന്സര് രോഗത്തിന്റെ ചികിത്സ എന്റെ പല ചിന്തകളെയും ധാരണകളെയും മാറ്റി മറിച്ചു . എനിക്ക് രോഗം ബാധിച്ചതിനു ശേഷം ഞാന് ജനിച്ച നാട്ടിലും ഇപ്പോള് താമസിക്കുന്ന സ്ഥലത്തും അടക്കം നാലുപേര്ക്ക് കാന്സര് ഇപ്പോള് സ്ഥിരീകരിച്ചിട്ടുണ്ട് .... ഭീതിജനകമായ വിധത്തില് ഗ്രാമങ്ങളില് പോലും ഇതു കൂടുന്നു . വിവിധ ലക്ഷണങ്ങള് ഉള്ള ചിലര് ചികിത്സയെ പേടിക്കുന്നു . തീര്ച്ചയായും ഇതിനുവേണ്ടി ശരിയായ ബോധവല്ക്കരണം ആവശ്യമായിട്ടുണ്ട് . ഒരു അധ്യാപകനായ ഞാന് നേരിട്ട ചികിത്സയിലൂടെ കാന്സറുമായി ബന്ധപ്പെട്ട അനുഭവങ്ങള് നേടിയ അറിവുകള് എന്നിവയാണ് സാധാരണക്കാരായ എന്നെപ്പോലെയുള്ള കാന്സര് രോഗികള്ക്ക് വേണ്ടിയും ഈ രോഗത്തെക്കുറിച്ച് അറിയാന് താല്പര്യമുള്ളവര്ക്ക് വേണ്ടിയും കായകല്പത്തിലൂടെ പങ്ക് വയ്ക്കുന്നത് .
കാന്സര് ചികിത്സാ രംഗത്തെ ലോകോത്തര നിലവാരമുള്ള തിരുവനന്തപുരം ആര് സി സി യിലെ കാന്സര് ചികിത്സാ രംഗത്തെ പ്രശസ്തരായ ഡോ . എലിസബത്ത് ഐപ്പ് , ഡോ . സെസ്സല് എന്നിവരാണ് എന്റെ ചികിത്സയ്ക്ക് നേതൃത്വം നല്കിയത് . ആദരണീയയായ ഡോ ..എലിസബത്ത് അവര്കളുടെയും ടീം അംഗങ്ങളായ ഡോ. സന്തോഷ് , ഡോ . ദീപക്ക് എന്നിവരുടെയും സാന്ത്വനങ്ങളും സജീവ പിന്തുനയുമാണ് രോഗങ്ങളെ അതിജീവിക്കാന് എന്നെ പ്രാപ്തനാക്കിയത് . ഒരു കുടുംബത്തെപ്പോലെ കാന്സര് രോഗികള്ക്കുവേണ്ടി രാപ്പകലില്ലാതെ പ്രവര്ത്തിക്കുന്ന എലിസബത്ത് ഡോക്ടറും ടീമിലെ മറ്റ് അംഗങ്ങളും കാന്സര് ചികിത്സയെ കുറിച്ച് എന്റെ ഭീതി മാറ്റാന് പകര്ന്ന് നല്കിയഅറിവുകളും അനുഭവങ്ങളും കുറിച്ചിട്ടത് എന്നെപ്പോലെ ഈ രോഗത്തോട് പൊരുതുന്ന സാധാരണക്കാര്ക്കായി അവതരിപ്പിക്കുന്നു ......
" മാലിന്യമില്ലാത്ത മണ്ണും ജലവും വായുവും അടുത്ത തലമുറയ്ക്കായി ഒരുക്കി വയ്ക്കും .... അത് എന്റെ ജീവിത വ്രതമാക്കി ഞാന് മാറ്റും " ഇന്നു ഓരോരുത്തരും പ്രതിജ്ഞ എടുക്കേണ്ടതുണ്ട് ... കൂടാതെ രോഗികളായ ഓരോരുത്തര്ക്ക് വേണ്ടി പ്രാര്ത്ഥിക്കാനും പ്രവര്ത്തിക്കാനും ഉള്ള മനസ്സ് കൂടി കാണിക്കും എന്ന ഉറച്ച തീരുമാനവും ഈ രോഗത്തിന് എതിരെ പൊരുതാന് നമ്മെ സഹായിക്കും .... അതിനു പ്രചോദകമാകും എന്ന പ്രതീക്ഷയോടെ ഈ ബ്ലോഗിലെ വിഭവങ്ങള് സമര്പ്പിക്കട്ടെ ....
മനുഷ്യജീവിതങ്ങളെ ഏറ്റവുമധികം കീഴടക്കുന്ന മഹാമാരിയായി കാന്സര് ഇന്നു ലോകത്ത് മാറിയിരിക്കുന്നു .കാന്സര് രോഗത്തിന് ഫലപ്രദമായ ചികിത്സ കണ്ടെത്തിയിട്ടുള്ള ഇന്നത്തെ കാലഘട്ടത്തിലും അതിന്റെ വ്യാപനവും സമൂഹത്തിന്റെ കാഴ്ച്ചപ്പാടുകളിലും മാറ്റം വരുത്താന് നമുക്ക് കഴിഞ്ഞിട്ടില്ല ഇന്നു പറയേണ്ടി വരും
കാന്സര് എന്തുകൊണ്ട് ?
കാന്സര് രോഗത്തിന്റെ കാരണങ്ങളെ കുറിച്ചുള്ള അന്വേഷണങ്ങള്ക്ക് വ്യക്തമായ ഉത്തരങ്ങള് നല്കാന് ശാസ്ത്ര ലോകത്തിന് കഴിഞ്ഞിട്ടില്ല ഇന്നു വേണം കരുതാന് .... എങ്കിലും ലോകത്തെ പ്രശസ്തരായ ഡോക്ടര്മാരുടെ അഭിപ്രായത്തില് ആധുനിക ലോകത്തെ ജീവിത സുഖങ്ങള്ക്ക് വേണ്ടിയുള്ള പരക്കം പാച്ചിലിനും അമിതമായ ചൂഷണത്തിന്റെയും പരിണിത ഫലമായി മലിനമാക്കപ്പെടുന്ന ഭൂമിയില് എല്പ്പിക്കപ്പെടുന്ന ആഘാതങ്ങലാണ് കാന്സര് രോഗം വ്യാപിക്കുന്നതിനു കാരണം ...
" ഭക്ഷണം കഴിക്കാതെ ... ശ്വസിക്കാതെ ... സൂര്യപ്രകാശമേല്ക്കാതെ ഒരു ഇരുട്ടു മുറിയില് അടച്ചിരിക്കുന്ന ഒരാള്ക്കേ കാന്സര് ബാധിക്കാതിരിക്കാന് സാധ്യതയുള്ളൂ ...."
ഇതു കേരളത്തിലെ പ്രശസ്തനായ ഒരു കാന്സര് വിദഗ്ദ്ധന്റെ വാക്കുകളാണ് .... ഒരു കാന്സര് രോഗി എന്ന നിലയില് എന്റെ അനുഭവങ്ങളും ഇതു ശരി വയ്ക്കുന്നു ...
ജീവിതത്തില് ഒരിക്കല് പോലും മദ്യപിക്കാത്ത , പുകവലിക്കാത്ത , ജൈവ കൃഷി നടത്തി പരമാവധി വിഭവങ്ങള് വീട്ടില് ഉത്പാദിപ്പിച്ചു ഉപയോഗിച്ചിരുന്ന , അധികം മരുന്നുകള് ഉപയോഗിക്കാത്ത ഒരാളായിരുന്നു ഞാന് ....പക്ഷേ എന്നെയും കാന്സര് ബാധിച്ചു .... അതും തൊണ്ടയില് .... കാന്സര് രോഗത്തിന്റെ ചികിത്സ എന്റെ പല ചിന്തകളെയും ധാരണകളെയും മാറ്റി മറിച്ചു . എനിക്ക് രോഗം ബാധിച്ചതിനു ശേഷം ഞാന് ജനിച്ച നാട്ടിലും ഇപ്പോള് താമസിക്കുന്ന സ്ഥലത്തും അടക്കം നാലുപേര്ക്ക് കാന്സര് ഇപ്പോള് സ്ഥിരീകരിച്ചിട്ടുണ്ട് .... ഭീതിജനകമായ വിധത്തില് ഗ്രാമങ്ങളില് പോലും ഇതു കൂടുന്നു . വിവിധ ലക്ഷണങ്ങള് ഉള്ള ചിലര് ചികിത്സയെ പേടിക്കുന്നു . തീര്ച്ചയായും ഇതിനുവേണ്ടി ശരിയായ ബോധവല്ക്കരണം ആവശ്യമായിട്ടുണ്ട് . ഒരു അധ്യാപകനായ ഞാന് നേരിട്ട ചികിത്സയിലൂടെ കാന്സറുമായി ബന്ധപ്പെട്ട അനുഭവങ്ങള് നേടിയ അറിവുകള് എന്നിവയാണ് സാധാരണക്കാരായ എന്നെപ്പോലെയുള്ള കാന്സര് രോഗികള്ക്ക് വേണ്ടിയും ഈ രോഗത്തെക്കുറിച്ച് അറിയാന് താല്പര്യമുള്ളവര്ക്ക് വേണ്ടിയും കായകല്പത്തിലൂടെ പങ്ക് വയ്ക്കുന്നത് .
കാന്സര് ചികിത്സാ രംഗത്തെ ലോകോത്തര നിലവാരമുള്ള തിരുവനന്തപുരം ആര് സി സി യിലെ കാന്സര് ചികിത്സാ രംഗത്തെ പ്രശസ്തരായ ഡോ . എലിസബത്ത് ഐപ്പ് , ഡോ . സെസ്സല് എന്നിവരാണ് എന്റെ ചികിത്സയ്ക്ക് നേതൃത്വം നല്കിയത് . ആദരണീയയായ ഡോ ..എലിസബത്ത് അവര്കളുടെയും ടീം അംഗങ്ങളായ ഡോ. സന്തോഷ് , ഡോ . ദീപക്ക് എന്നിവരുടെയും സാന്ത്വനങ്ങളും സജീവ പിന്തുനയുമാണ് രോഗങ്ങളെ അതിജീവിക്കാന് എന്നെ പ്രാപ്തനാക്കിയത് . ഒരു കുടുംബത്തെപ്പോലെ കാന്സര് രോഗികള്ക്കുവേണ്ടി രാപ്പകലില്ലാതെ പ്രവര്ത്തിക്കുന്ന എലിസബത്ത് ഡോക്ടറും ടീമിലെ മറ്റ് അംഗങ്ങളും കാന്സര് ചികിത്സയെ കുറിച്ച് എന്റെ ഭീതി മാറ്റാന് പകര്ന്ന് നല്കിയഅറിവുകളും അനുഭവങ്ങളും കുറിച്ചിട്ടത് എന്നെപ്പോലെ ഈ രോഗത്തോട് പൊരുതുന്ന സാധാരണക്കാര്ക്കായി അവതരിപ്പിക്കുന്നു ......
" മാലിന്യമില്ലാത്ത മണ്ണും ജലവും വായുവും അടുത്ത തലമുറയ്ക്കായി ഒരുക്കി വയ്ക്കും .... അത് എന്റെ ജീവിത വ്രതമാക്കി ഞാന് മാറ്റും " ഇന്നു ഓരോരുത്തരും പ്രതിജ്ഞ എടുക്കേണ്ടതുണ്ട് ... കൂടാതെ രോഗികളായ ഓരോരുത്തര്ക്ക് വേണ്ടി പ്രാര്ത്ഥിക്കാനും പ്രവര്ത്തിക്കാനും ഉള്ള മനസ്സ് കൂടി കാണിക്കും എന്ന ഉറച്ച തീരുമാനവും ഈ രോഗത്തിന് എതിരെ പൊരുതാന് നമ്മെ സഹായിക്കും .... അതിനു പ്രചോദകമാകും എന്ന പ്രതീക്ഷയോടെ ഈ ബ്ലോഗിലെ വിഭവങ്ങള് സമര്പ്പിക്കട്ടെ ....
No comments:
Post a Comment